კოლეგებთან სამუშაო შეხვედრები

კოლეგებთან სამუშაო შეხვედრებში მონაწილეობა  (1)

მასწავლებლის რეფლექსია

მონაწილე მასწავლებლის სახელი და გვარი:   თამარ გიორგაძე

შეხვედრის /  შეხვედრების თარიღი :  15.04.2019.        22.04.2019.       01.05.2019

შეხვედრის / შეხვედრების თემა:   განმავითარებელი შეფასება , დიფერენცირებული სწავლა.

შეხვედრის / შეხვედრების მიზანი :     გავეცნოთ განმავითარებელი შეფასებისა  და დიფერენცირებული სწავლების ინსტრუმენტებს;  მათი გამოყენებით  მოსწავლეებს ავუმაღლოთ მოტივაცია  ასევე მათი ჩართულობა საგაკვეთილო პროცესში  და გავზარდოთ სწავლისადმი ინტერესი.

გთხოვთ მოკლედ  აღწეროთ შეხვედრის/ შეხვედრების მსვლელობა და  განხილული საკითხები.

 კოლეგებთან  სამუშაო შეხვედრების დროს განვიხილეთ როგორ გამოვიყენოთ განმავითარებელი და დიფერენცირებული სწავლა.  მასწავლებელსა და  მოსწავლეს შორის პოზიტიური ურთიერთობა ერთ-ერთი მთავარი ფაქტორია მოსწავლის სწავლის  მოტივაციის გასაზრდელად.  მოსწალვესთან  პოზიტიური ურთიერთობის ჩამოსაყალიბებლად საჭიროა მასწავლებელი კარგად  იცნობდეს საკუთარი მოსწავლეების პიროვნულ თავისებურებებს, მათ ინტერესებს, სწავლის სტილს , ძლიერ და  გასაუმჯობესებელ მხარეებს.  მოსწავლეთა შესახებ ამ ინფორმაციის გათვალისწინება მასწავლებელს ეხმარება , დაამყაროს მოსწავლეებთან პოზიტიური ურთიერთობები და ამასთან დაგეგმოს მათთვის საინტერესო  სასწავლო პროცესი.

      შეხვედრის დროს  განვიხილეთ განმავითარებელი შეფასებისა და დიფერენცირებული სწავლების ინსტრუმენტები:

განმავითარებელი შეფასების ინსტრუმენტები:

ü  ვიცი,  მინდა ვიცოდე , ვისწავლე:

ü  გრაფიკული ორგანიზატორები ( მთავარი  კითხვა , დისკუსიის რუკა, პრობლემებისა და მათი გადაჭრის გზების რუკა , სიტყვის რუკა, საკვანძო საკითხების რუკა);

ü  შეფასების რუბრიკა;

ü  შესასვლელი ბილეთები;

ü  გასასვლელი ბილეთები;

ü  ორი ჭეშმარიტი და ერთი მცდარი დებულება;

ü  ქვიზი

ü  ორმაგი ჩანაწერების დღიური

ü  სწრაფი წერითი სამუშაო ( სწრაფი ჩაწერა, ერთწუთიანი ესე, ერთწინადადებიანი  შეჯამება, დაუსრულებელი  წინადადებები)

ü  დაფიქრთი, დაწყვილდი , გაიაზრე;

ü  კითხვის დასმა (გამოსაძახებელი ჩხირები);

ü  მოსწავლის სწრაფი აღრიცხვის დღიური;

დიფერენცირებული სწავლების ინსტრუმენტები

ü  სასწავლო მენიუ;

ü  სასწავლო გაჩერებები;

ü  აირჩიე პროექტი;

ü  კითხვები ინტერესების მიხედვით;

ü  წერითი დავალება „ რაფთ“;

განმავითარებელი შეფასებისა და დიფერენცირებული სწავლების ინსტრუმენტებიდან ჩემს პრაქტიკაში ვიყენებდი ერთწუთიან ესეს, ვიცი, მინდა ვიცოდე, ვისწავლე,  მოსწავლეთა თვითშეფასებას , შეფასების რუბრიკებს და  გასასვლელ ბილეთებს.

         დავინტერესდი სასწავლო მენიუთ, კითხვების დასმით ( გამოსაძახებელი ჩხირები), გრაფიკული ორგანიზატორებით.

  ეს აქტივობები ახალი აღმოჩნდა ჩემთვის, რომლებსაც აუცილებლად გამოვიყენებ სასწავლო პროცესში.

       განმავითარებელ  შეფასებასა და დიფერენცირებულ  სწავლების  ინსტრუმენტების გამოყენებით  მოსწავლე აქტიურად ჩაერთვება საგაკვეთილო  პროცესში ასევე ამ აქტივობებით დაგეგმილი გაკვეთილი  მოსწავლეს გამოუმუშავებს კრიტიკული ანალიზის , ურთიერთპატივისცემის , იდეების  გაზიარების და თანამშრომლობით უნარებს.

 შეხვედრაში/ შეხვედრებში მონაწილეობამ რა შეჰმატა თქვენ გამოცდილებას.

        სამუშაო შეხვედრის დროს  კოლეგებმა ერთმანეთს გავუზიარეთ ჩვენ- ჩვენი  გამოცდილება  და პრობლემები  გამოყენებულ  აქტივობებთან დაკავშირებით.   ასევე შევისწავლე   განმავითარებელ  და დიფერენცირებულ  სწავლების ახალი  ინსტრუმენტები , რაც  დამეხმარა სასწავლო მიზნების მისაღწევად.

 როგორ გამოიყენეთ   შეძენილი  ცოდნა და უნარები თქვენს პედაგოგიურ პრაქტიკაში.

       განხილულ  განმავითარებელ  და  დიფერენცირებულ  სწავლების   ინსტრუმენტებიდან   გამოვიყენე   სასწავლო  მენიუ  , რომელიც  დამეხმარა  იმის განსაზღვრაში  , თუ  როგორ   დავგეგმო  სწავლა მოსწავლეთა  საჭიროებების შესაბამისად  ,  რათა შეძლონ  შესასწავლ თემასთან  დაკავშირებული   სასწავლო მიზნების  მიღწევა.

       ასევე  გამოვიყენე  გრაფიკული   ორგანიზატორები,    „პრობლემისა  და მათი  გადაჭრის  გზების  რუკა“   ,რაც დამეხმარა  იმის შეფასებაში  , თუ  რამდენად  კარგად შეუძლიათ    მოსწავლეებს  :

      აღმოაჩინონ  რაიმე პრობლემის   გამომწვევი მიზეზები;

      იპოვონ ამ პრობლემის   გადაჭრის გზა;

      მოიყვანონ არგუმენტები , თუ რა  კონკრეტულ შედეგებს  მოიტანს  პრობლემის  ამგვარი  გზით  გადაჭრა;

კოლეგებთან სამუშაო შეხვედრებში მონაწილეობა  (2)

მასწავლებლის რეფლექსია

მონაწილე მასწავლებლის სახელი და გვარი:   თამარ გიორგაძე

შეხვედრის /  შეხვედრების თარიღი :  15.05.2019.        16.05.2019.       27.05.2019      28.05.2019 წ

შეხვედრის / შეხვედრების თემა:   ისტ-ის გამოყენება სასწავლო პროცესში

შეხვედრის / შეხვედრების მიზანი :     ისტ-ის  გამოყენებით  ხელი  შეუწყოთ სასწავლო პროცესში ისტ-ის  ინტეგრირებას ეროვნული გეგმისა და მასწავლებელთა პროფესიული სტანდარტების შესაბამისად.

გთხოვთ მოკლედ  აღწეროთ შეხვედრის/ შეხვედრების მსვლელობა და  განხილული საკითხები.

 კოლეგებთან  სამუშაო შეხვედრების დროს განვიხილეთ თუ როგორ უნდა გამოვიყენოთ ისტ-ი  განმავითარებელი შეფასებისა და დიფერენცირებული სწავლების სქემების შესაქმნელად.  ვიმუშავეთ Word-ში  და  Excel- ში.  დავგეგმეთ გაკვეთილი ისტ-ის გამოყენებით ,  მოვამზადეთ შეფასების  რუბრიკები  და ასევე ვისწავლეთ  თუ  როგორ უნდა  მოვამზადოთ პრეზენტაცია  Pover-  Point- ში.

ბოლო  შეხვედრის  დროს  კი შევქმენით  ბლოგი და  ჩვენი  შექმნილი ფაილები და საქაღალდეები განვათავსეთ ბლოგზე  .ასევე  ვისწავლეთ ბლოგზე  პრეზენტაციის ატვირთვა    (ბლოგის მისამართი https://tamargiorgadze555.blogspot.com   )

სამუშაო  შეხვედრის  დროს ისტ- ის  საშუალებით  შევქმენით  შებდეგი განმავითარებელი და დიფერენციერებული  სწავლების  სქემები:

v  წერითი დავალება  „  რაფთ „

v  ცნების  რუკა

v  გასასვლელი ბილეთები

v  შესასვლელი ბილეთები

v  T- დიაგრამა

v  ვიცი,  მინდა ვიცოდე, ვისწავლე

v  მიზეზ-  შედეგობრივი  კავშირი

v  ვენის დიაგრამა

v  სასწავლო მენიუ

v  შეფასების რუბრიკები 

განმავითარებელი  და დიფერენცირებული  სწავლების   ინსტრუმენტებიდან    ჩემს პრაქტიკაში  ვიყენებდი  შეფასების რუბრიკებს ,     ვიცი,  მინდა  ვიცოდე ,  ვისწავლე,        ვენის დიაგრამას ,,შესასვლელ ბილეთებს.

  დავინტერესდი  მიზეზ- შედეგობრივი  კავშირით ,  ცნების  რუკით , ეს სტრატეგია  ახალი აღმოჩნდა ჩემთვის, რომელსაც აუცილებლად  გამოვიყენებ  სასწავლო  პროცესში.

 შეხვედრაში/ შეხვედრებში მონაწილეობამ რა შეჰმატა თქვენ გამოცდილებას.

        სამუშაო შეხვედრის დროს  კოლეგებმა ერთმანეთს გავუზიარეთ ჩვენ- ჩვენი  გამოცდილება  და  ასევე შევისწავლეთ  სწავლა- სწავლების  რამდენიმე ეფექტური  სტრატეგია  ისტ- ის  გამოყენებით.  ეს  ინსტრუმენტები  საუკეთესოა   ინფორმაციის   ვიზუალურად ( გრაფიკულად )   ორგანიზებისათვის ,  რაც საშუალებეს იძლევა  „ ერთი შეხვედრით „  აღვიქვათ  და  გავიგოთ  კომპლექსური  ურთიერთკავშირი   ,საგნებს , მოვლენებს ,  იდეებისა და ცნებებს  შორის.  რაც  დამეხმარა  სასწავლო  მიზნების  მისაღწევად.

 როგორ გამოიყენეთ   შეძენილი  ცოდნა და უნარები თქვენს პედაგოგიურ პრაქტიკაში.

       განხილულ  განმავითარებელ  და  დიფერენცირებულ  სწავლების   ინსტრუმენტებიდან   გამოვიყენე     „ ცნების  რუკა“  , რაც  დამეხმარა  გარკვეულ  საკითხზე  ცოდნის  კონსტრუირებაში , ახალი  ინფორმაციის    და კავშირების  მიგნებაში  ,   წინარე  ცოდნის  გააქტიურებაში.

          ასევე  მოვამზადე  სტრატეგია  „  მიზეზ- შედეგობრივი  კავშირი“  ,რომელიც  დამეხმარა  ფაქტებსა და მოვლენებს  შორის  მიზეზ  - შედეგობრივი  კავშირების  გააზრებასა  და ვიზუალურად  წარმოდგენისათვის.